21. apríl 2020

Ég finn fyrir mér þegar bassinn drynur svo hart að það er næstum sárt. Ég finn fyrir mér þegar tónlistin öskrar hærra en höfuðið á mér. Ég verð að líkama þegar ég gleymi mér í smá stund. Þegar líkamarnir kringum mig eru jafn himinlifandi, jafn týndir, jafn mikið hér og ég. Bassinn. Ekki hugsa. Ljósin. Dansa. Hitinn. Ég svitna, en ég get ekki hætt að dansa. Ég verð að dansa, annars byrja ég að hugsa aftur og það má ekki, það má ekki. Ekki í nótt. Dansa. Ekki hugsa. 

Um daginn sagði einhver að ég virkaði eins og manneskja sem getur ekki slappað af þegar allt er kyrrt. Það er satt. Ég get ekki einbeitt mér að sjálfri mér í logni; þegar það er bara ég. Mig langar í, nei, mig vantar eitthvað annað. Eitthvað sem er framandi, sem er andstætt mér. Eitthvað sem staðfestir mörkin mín eins og hafið staðfestir strandlengjuna þegar öldurnar skella á klettunum. Ég vil skynja brimið.

Ég reyndi að ná í mig, í body-awareness tímanum, en það eina sem það sýndi mér var hversu fjarri fætur mínir voru frá mér og hvað það er erfitt að veita líkama sem virkar ekki athygli. Sem var uppspretta sjálfshaturs og vonbrigða. Ég yfirgaf hópinn eftir hálftíma.

Ég týndi öllu hári á líkama mínum við fjórtán ára aldurinn. Það byrjaði þegar ég var sjö ára. Það heitir alopecia areata.

Árið 2012, á sama tíma og ég ætlaði að breytast úr barni í stelpu, breyttist það í alopecia universalis. Universalis. Alls staðar. “Það er ekkert vont, ekkert hættulegt“, segja læknarnir. „Ekki líkamlega, nei“, segi ég. Breytingin á lífi mínu var þó universalis. Skömmin varð universalis. Ég þurfti að kenna mér að geta horft á sjálfa mig og lifa með því að vita ekki  hvað það var sem starði á mig. Ég breyttist ekki í stelpu. Stelpan fór með lokkunum í ruslið. Ég breyttist í það sem var eftir: Missinn. 

Þegar ég fékk hárkollu í fyrsta skipti fór fjölskyldan mín með mér. Við vorum öll fimm í búðinni. Allir voru með skoðun. Nema ég. Ég keypti þá sem leit út mest eins og ég, samkvæmt fjölskyldunni. Það tók nokkra daga fyrir mig að geta notað hana. Mér leið eins og ég væri að ljúga að öllum.

Núna, nokkrum árum seinna, get ég valið sjálf. Ákveðið sjálf hvað lítur út eins og ég.

Það er munur á milli þess að vera nakin og að vera nakin án hárs. Hið fyrra er auðvelt. Hið síðara er viðkvæmt, berskjaldað. Nakið. Þessi tilfinning fer ekki burt, þó að ég sé í fötum. 

Stundum fer ég út og skil kolluna eftir heima eða í fatahenginu. Fólk hagar sér þá aðeins öðruvísi í kringum mig. En samt dansa ég. Hugsa ekki. Skil skömmina eftir. Skil að það er ekki alopecia sem er universalis. Það er ég.
















— — —


Styrkir þú Vía?

Vía treystir á þitt framlag. Með því að styrkja Vía tekur þú þátt í að halda uppi miðli sem lætur sig jafnrétti og fjölbreytileika varða.

Vía, áður þekkt sem Flóra útgáfa, hefur verið starfandi í 3 ár fyrir gagnrýna lesendur sem langar að kafa undir yfirborðið á marghliða samfélagsumræðu út frá jafnréttissjónarmiðum. Vía hefur frá upphafi fjallað um aðkallandi málefni líðandi stundar og birt fjölda einstakra pistla sem hafa varpað ljósi á ójöfnuð, ójafnrétti, fordóma, íhaldssemi og ofbeldi sem finna má á öllum stigum samfélagsins. Við leggjum áherslu á að upphefja frásagnir þeirra einstaklinga sem valdakerfi fara hvað verst með og valdefla raddir fólks með lifaða reynslu.

Hvert einasta framlag, stórt eða lítið, gerir okkur kleift að halda uppi gagnrýnni jafnréttisumræðu og er ómissandi fyrir áframhaldandi starf Vía.


Styrkja Vía


** Kíktu við á Uppskeru, listamarkaðinn okkar **
















fyrri grein:
Líkamar brúnna kvenna eru ekki til sýnis

Mest lesin:
Tilveruréttur minn

Mælum með:
Um hríð

næsta grein:
Sometimes I wish I was Skinny


Lesa meira um...

Allar greinar í 6. útgáfu — Líkamar
Svona upp á heilsuna
Ásbjörn Erlingsson
16. apríl 2020

Heilsa Kynhlutverk Líkamar - útgáfa 6 Menning / List Myndaþáttur útgáfugrein
Hitaeiningar og heimspeki
Eva Lín Vilhjálmsdóttir
16. apríl 2020

Femínísk heimspeki Geðheilsa Líkamar - útgáfa 6 útgáfugrein
Svartur á leik
Alexandra Dögg Steinþórsdóttir
17. apríl 2020

Líkamar - útgáfa 6 Menning / List Myndasögur Sjálfsást útgáfugrein
Þetta er ekki óður til móður
Sylvía Jónsdóttir
17. apríl 2020

Hamfarahlýnun / Umhverfismál Jarðkynhneigð Líkamar - útgáfa 6 útgáfugrein
ÚRKASTIÐ
Gunnhildur Þórðardóttir
18. apríl 2020

Kynhlutverk Líkamar - útgáfa 6 Listarýni Menning / List útgáfugrein
Cravings
Io Alexa Sivertsen
18. apríl 2020

Líkamar - útgáfa 6 Menning / List Myndaþáttur útgáfugrein
Líkamsvirðing og fatlaðir líkamar: aðgengisnánd og réttlæti
Freyja Haraldsdóttir
18. apríl 2020

Ableismi / réttindabarátta fatlaðra Geðheilsa Líkamar - útgáfa 6 útgáfugrein
Líkaminn minn hefur völdin og það er smám saman að verða allt í lagi mín vegna
Lára Sigurðardóttir
19. apríl 2020

Geðheilsa Heilsa Líkamar - útgáfa 6 Móðurhlutverk útgáfugrein
Af örum, slitförum og fellingum
Anna Helga Guðmundsdóttir
19. apríl 2020

Geðheilsa Heilsa Líkamar - útgáfa 6 Sjálfsást útgáfugrein
Ta meg imot
Anna Stína Eyjólfsdóttir
19. apríl 2020

Líkamar - útgáfa 6 Menning / List Myndaþáttur útgáfugrein
Sjálfsást eftir ofbeldi
Elinóra Guðmundsdóttir
20. apríl 2020

Geðheilsa Kynbundið ofbeldi Líkamar - útgáfa 6 Sjálfsást útgáfugrein
Sometimes I wish I was Skinny
Ísold Halldórudóttir
20. apríl 2020

English Fat prejudice Líkamar - útgáfa 6 Poem Volume Article
Dans universalis
Linni / Pauline Kwast
21. apríl 2020

Geðheilsa Hárvöxtur Líkamar - útgáfa 6 útgáfugrein
Líkamar brúnna kvenna eru ekki til sýnis
Sanna Magdalena Mörtudóttir
21. apríl 2020

Fjölmenning Kynþáttafordómar / Rasismi Líkamar - útgáfa 6 Öráreitni útgáfugrein
Líkamsvitund: REGN
Mars Proppé
22. apríl 2020

Hinsegin / LGBTQIA+ Líkamar - útgáfa 6 Trans (íslenskar greinar) útgáfugrein
Líkamsvitund: VALLÝ
Mars Proppé
22. apríl 2020

Hinsegin / LGBTQIA+ Líkamar - útgáfa 6 Trans (íslenskar greinar) útgáfugrein
Líkamsvitund: SIGTÝR
Mars Proppé
22. apríl 2020

Hinsegin / LGBTQIA+ Líkamar - útgáfa 6 Trans (íslenskar greinar) útgáfugrein
Dansara stúdía / Dance study
Bjargey Ólafsdóttir
22. apríl 2020

Líkamar - útgáfa 6 Menning / List Myndaþáttur útgáfugrein
Sequeerity
Eva Sigurðardóttir
22. apríl 2020

English Líkamar - útgáfa 6 Safe spaces Slut walk Volume Article




Dans universalis