Hennar Rödd: Sögur kvenna af erlendum uppruna á Íslandi er tímamótaverk sem heiðrar framlag kvenna af erlendum uppruna til íslensks samfélags. Bókin inniheldur sögur 33 kvenna sem hafa auðgað íslenskt samfélag á einn eða annan hátt, og endurspegla fjölbreytileika kvenna af erlendum uppruna á Íslandi. Sögurnar fjalla um áskoranirnar sem þær hafa mætt vegna skorts á inngildingu í íslensku samfélagi, jafnt og frásagnir um fallegar lífsreynslur við að flytja til nýs lands, læra nýtt tungumál og jafnvel ala upp fjölskyldur á Íslandi.

Ritstjórar bókarinnar eru Elinóra Guðmundsdóttir, Chanel Björk Sturludóttir og Elínborg Kolbeinsdóttir.

Ísland er þekkt fyrir að vera jafnréttisparadís, hefur trónt efst á lista yfir þau lönd sem ríkir mest kynjajafnrétti síðustu þrettán ár, hefur verið sagt öruggasta land heims fyrir konur að búa í og svona mætti áfram telja. Án þess að draga úr sannleiksgildi þessara gagna, þá er sannleikurinn sá að á sama tíma sýna gögn að konur af erlendum uppruna á Íslandi lifa við meira atvinnuleysi, eru of menntaðar fyrir störfin sem þær vinna, dvelja í töluverðu meira mæli, og lengur, í Kvennaatkvarfinu vegna heimilisofbeldis en innlendar kynsystur sínar.

Til að varpa ljósi á upplifun kvenna af erlendum uppruna er í bókinni skrifuð saga fjölmargra fjölbreyttra kvenna, sem allar eiga það sameiginlegt að hafa gert Ísland að heimili sínu. Sumar þeirra fluttu til Íslands fyrir atvinnutækifæri, aðrar fyrir ástina, ævintýraþrá eða vinskap og enn aðrar hreinlega fyrir slysni. Líf kvennanna í bókinni spannar íslenskan veruleika síðustu 70 ár, en konurnar eru á aldrinum 18 til 93 ára.

Upplifun kvennanna litast mikið bæði af eigin aðstæðum fyrir flutninga, menningu og fæðingarlandi, en einnig af búsetusvæði á Íslandi. Á meðan ein kvennanna býr ein á bóndabæ dýpst í einum snjóþyngsta dal á Íslandi, eru aðrar í stærri bæjum og margar í höfuðborginni, Reykjavík. Sumar hverjar hafa kallað Ísland sitt heima allt frá unglingsárum sínum, og aðrar flutt til Íslands eftir fimmtugsafmælið. Einhverjar koma einar, aðrar með fjölskyldur.

Saga Jo, sem flutti frá Suður-Afríku, sat í bæjarstjórn Grundafjarðar, eignaðist börn, stofnaði fyrirtæki og lærði uppistand má finna í bókinni.

Saga Achie, sem flutti frá Kenya, eftir að hafa ferðast um víða veröld sem flugfreyja hjá Emirates, fann ástina, eignaðist börn, stofnaði fyrirtæki og best gegn kynþáttafordómum, má einnig finna í bókinni.

Þá má finna sögu Ayah, sem flúði stríð í Sýrland með fjölskyldu sinni, útskrifaðist með hæstu einkannir úr menntaskóla og kennir nú öðrum innflytjendum íslensku.

Bókin er fáanleg í eftirfarandi bókabúðum:

Eymundsson
Salka
Skálda bókabúð
GARG bookstore
Bóksala Stúdenta

Bókin fæst einnig í netversluninni Uppskera Listamarkaður

— — —

— — —

STYRKTARAÐILAR