I

Komin í heiminn

segjum við

Eins og það sé ekkert mál

að komast hingað

II 

Flóð

gáttir 

opnast

Hjartað 

hvolfist

III

Einhvers staðar á leiðinni

helltist hún yfir þig

Heltók

bragðið

á tungunni

Síðan er hún 

í kjarnanum

Sölt

og beisk

síðan þá

— — —

Úrhelli

Mundu eyrun

Hallaðu undir flatt

svo vatnið komist út

Hlustaðu 

á upphafið 

í niðurfallinu

— — —

SKAMMDEGI

Á hverri aðventu
kaupi ég dagatalskerti

brenni af
Samviskusamlega
sérhvern dag

ýmist of mikið
eða of lítið

Aldrei
Alveg
Akkúrat
samt bregst það ekki
að einn af öðrum
fuðra dagarnir upp